هلمند؛ اتل لوبډلې د نادعلي ولسوالۍ د ټېپ بال کرکټ سياليو اتلولي وگټله
د هلمند ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د نادعلي ولسوالۍ په (PRT) ورزشي لوبغالي کې د ۱۲ لوبډلو ترمنځ د اا د بيا وکمنېدو د درېيمې کليزې په مناسبت د ټېپ بال کرکټ گروپي سيالۍ، چې دوې اوونۍ پيل شوې وې، د اتل لوبډلې په اتلولۍ پای ته ورسېدې.
د يادو سياليو پايلوبه د اتل او عابد لوبډلو ترمنځ ترسره شوه، چې اتل لوبډلې د لوبې پچې په گټلو سره په ټاکلو لسو اورونو کې سيالې لوبډلې ته د ۲۲۰ منډو هدف وټاکه، په مقابل کې عابد لوبډلې ۲۱۷ منډې وکړې او لوبه يې د درېيو منډو په توپير وبايلله.
