هرات؛ کشک رباط سنګي ولسوالۍ کې د ۱۲ ورزشکارانو ترمنځ د سیمه ییزې غېږنیونې سیالۍ ترسره شوې
د هرات ولایت د بدني روزنې او ورزش ریاست اړوند د کورش فدراسیون د استازولۍ له لوري د یاد ولایت د کشک رباط سنګي ولسوالۍ په خواجه ملال کلي کې د ۱۲ ورزشکارانو ترمنځ د سیمه ییزې غېږنیونې سیالۍ ترسره شوې.
په دغو سیالیو کې شېخ علاالدین محمدي لومړی، عرفان الله جمشیدي دویم او غلام حضرت درېیم مقام ترلاسه کړ.
د یادو سیالیو موخه سیمه ییزې غېږنیونې سیالیو ته وده ورکول، دودول او خلکو ته یوه سالمه تفریح برابرول و.
په پای کې د ورزش مسوولینو له لوري غوره پهلوانانو ته چمتو شوې ډالۍ ورکړل شوې
