هرات؛ اوبه ولسوالۍ کې د ۱۴ لوبډلو ترمنځ د فوټبال سيالۍ پای ته ورسېدې
د هرات ولايت د بدني روزنې او ورزش رياست اړوند د فوټبال ملي فدراسیون د استازولۍ له لوري د ياد ولايت د اوبه ولسوالۍ له ختيځو سيمو د ۱۴ لوبډلو ترمنځ د امتيازي جام د فوټبال سيالۍ، چې دوې اوونۍ مخکې پیل شوې وې د کرغوض لوبډلې په اتلولۍ پای ته ورسېدې.
د دغو سياليو په پايلوبه کې کرغوض لوبډلې خپلې سیالې افتخار ارويج لوبډلې ته د ۲/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د اوبه ولسوالۍ په کليو کې د فوټبال لوبو ته وده ورکول، د لوبغاړو ترمنځ يووالی رامنځته کول او د غوره لوبغاړو موندل و.
د سياليو په پای کې د اوبه ورزشي امريت له لوري غوره لوبډلې او لوبغاړو ته چمتو شوې ډالۍ ورکړل شوې.
