ننگرهار کې د ۱۸۰ تنو ورزشکارانو ترمنځ د سوک وهنې دوستانه سيالۍ ترسره شوې
د ننگرهار ولايت د بدني روزنې او ورزش رياست اړوند د سوک وهنې ملي فدراسيون د استازولۍ له لوري د مرکز جلال اباد ښار په پنځمې ناحيې جمنازيوم کې د شپږو ولایتونو د ۱۸۰ تنو ورزشکارانو ترمنځ د عبدالسلام وزيروال په نوم د سوک وهنې دوستانه سيالۍ ترسره شوې.
په دغو سياليو کې د کونړ، کابل، لغمان، پنجشېر، پروان او کوربه ننگرهار ولايت څخه د تنکيو ځوانانو، نويو ځوانانو، ځوانانو او مشرانو په عمري کټگوريو کې ورزشکارانو گډون کړی وو، چې په پايله کې ننگرهار لومړی، کابل دويم او لغمان بيا درېيم مقام ترلاسه کړ.
د يادولو وړ ده، چې د دغو سياليو په پای کې غوره ورزشکارانو ته مډالونه او ستاينليکونه ورکړل شول.
