ننګرهار؛ نور احمد حبیبي د بدني روزنې او ورزش سرپرست رییس وټاکل شو
ننګرهار؛ نور احمد حبیبي د بدني روزنې او ورزش سرپرست رییس وټاکل شو
د بدني روزنې او ورزش او المپیک ملي کمېټې عمومي رییس انجینر نظر محمد مطمئن او ورسره پلاوي، تېره پنجشنبه ختیځ ولایت ننګرهار ته سفر وکړ، چې د یاد ولایت لپاره يې د بدني روزنې او ورزش لپاره نوی مسؤل معرفي کړ.
ښاغلی نور احمدحبیبي چې تر دې وړاندې يې اوه کاله د ورزش په برخه کې د سلاکار په توګه دنده ترسره کړې، د دې تر څنګ له نږدې شلو کلونو راهیسې د سوکوهنې په برخه کې تجربه لري.
ښاغلی حبیبي تېره پنجشنبه د عمومي رییس او ورسره پلاوي له لوري اداري کارکوونکو ته ور وپېژندل شو او له نوموړي د مسؤلیت د ښه ادا کولو هیله وشوه.
نور احمد حبیبي ژمنه وکړه چې په یاد ولایت کې به د ورزشي هڅو لپاره نور هم ګامونه ګړندي کوي او په پوره اخلاص به د هېواد لپاره د ورزش په برخه کې خپل مسؤلیت ادا کوي.
یاده دې وي، ننګرهار یو له هغو ولایتونو شمېرل کېږي چې ورزشي فعالیتونه پکې ګړندي او د اسلامي امارت له واکمنۍ سره پکې دا فعالیتونه لا ګړندي شوي دي.
