ننګرهار؛ مومند درې ولسوالۍ کې د ۳۶ لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت په مومند درې ولسوالۍ کې د ۳۶ لوبډلو ترمنځ د ټېپ بال کرېکټ سیالۍ د مومند لاینز لوبډلې په اتلولي پای ته ورسېدې.
د یادو سیالیو پایلوبه د هزار ناو سوپر سټار او مومند لاینز لوبډلو ترمنځ ترسره شوه. د لوبې پچه مومند لاینز لوبډلې وګټله او لومړی یې توپ وهنه وکړه، چې په ټاکلو لسو اورونو کې یې د اوو ویکټو په زیان خپلې سیالې لوبډلې ته د ۱۴۲ منډو هدف وټاکه. هزار ناو سوپر سټار لوبډلې د هدف په تعقیب کې د ټولو ویکټو په زیان ۱۱۳ منډې وکړې او د ۲۸ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې یوه نیمه میاشت یې دوام وکړ.
