ننګرهار؛ مومند درې ولسوالۍ کې د ٦٠ لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولايت په مومند درې ولسوالۍ کې د ٦٠ لوبډلو ترمنځ د ټېپ بال کرېکټ سیالۍ د ګردي خپلواک لوبډلې په اتلولي پای ته ورسېدې.
د یادو سیالیو پایلوبه د هزار ناو سوپر سټار او ګردي خپلواک لوبډلو ترمنځ ترسره شوه. د لوبې پچه ګردي خپلواک لوبډلې وګټله او لومړی یې توپوهنه وکړه، چې په ټاکلو اتو اورونو کې یې د شپږو ویکټو په زیان خپلې سیالې لوبډلې ته د ١٠٨ منډو هدف وټاکه. هزار ناو سوپر سټار لوبډلې د هدف په تعقیب کې د اتو ویکټو په زیان ٧٠ منډې وکړې او د ٣٧ منډو په توپیر یې لوبه وبایلله.
دا سیالۍ د هیواد د بیا رغونې او له نظام څخه د ملاتړ په موخه ترسره شوې، چې شل ورځې دوام وکړ.
