ننګرهار؛ د هېواد ورزش ادارې تللي پلاوي د یاد ولایت د بدني روزنې او ورزش ریاست مامورینو ته د ظرفیت لوړونې په موخه ښوونیز سمینار وړاندې کړ
د بدني روزنې او ورزش عمومي ریاست اړوند د بشري سرچینو درې کسیز پلاوي له لوري د ننګرهار ولایت د بدني روزنې او ورزش ریاست مامورینو ته د ظرفیت لوړونې په موخه د یاد ریاست په مرکزي دفتر کې ښوونیز سمینار وړاندې کړ.
دغه ښوونیز سمینار کې د بدني روزنې او ورزش عمومي ریاست اړوند د بشري سرچینو تللي پلاوي د اداري سندونو د راکړې ورکړې، د کارکوونکو چلند او د اداري کارکوونکو د حاضرۍ اړوند مسایلو باندې بحث وکړ.
د یادونې وړ ده، چې له دې وړاندې د هېواد ختیځ ( لغمان، کونړ او نورستان) ولایتونو کې هم دې ته ورته سمینارونه وړاندې شول.
