ننګرهار؛ دوربابا ولسوالۍ کې د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست د شينوارو شپږګونو ولسواليو ورزشي مديريت په لارښوونو او همغږۍ دوربابا ولسوالۍ کې د نظام د ملاتړ او د ځوانانو يووالي په نوم د۱۶ لوبډلو ترمنځ د ټېپ بال کرېکټ سیالۍ پای ته ورسېدې.
د یادو سیالیو پایلوبه د شولګر او اوبلین لوبډلو ترمنځ ترسره شوه، چې شولګر لوبډلې په ټاکلو ۱۰ اورونو کې يې مقابلې لوبډلې ته د ۱۲۷ منډو هدف وټاکه، چې اوبلين لوبډلې ټاکل شوی هدف پوره نخ شو کړای او د يادو سياليو پایلوبه شولګر لوبډلې وګټله.
د یادو سیالو د پایلوبې پرمهال قومي مشرانو، امنیتي مسوولينو، ځوانانو او د کرېکټ د لوبې ګڼ شمېر مینه والو ګډون درلود.
د یادونې ده، چې د یادو سیالیو ګټونکې لوبډلې ته لومړی درجه کپ او بیلونکې لوبډلې ته دویمه درجه کپ ورکړل شو.
