میدان وردګ؛ مرکز خدیر کې د ۲۰ تنو ورزشکارانو ترمنځ د تیږې اچونې سیالۍ ترسره شوې
د میدان وردګ ولایت د بدني روزنې او ورزش امریت اړوند د ملي او دودیزو لوبو فدراسیون د استازولي له لوري د یاد ولایت مرکز کې د ۲۰ ورزشکارانو ترمنځ د تیږې اچوونې سیالۍ ترسره شوې.
دغو سیالیو، چې یوه ورځ دوام وکړ، په پایله کې یې رفیع الله لومړی، عزت الله دویم او احسان الله درېیم مقام ترلاسه کړ.
د سیالیو په پای کې د ورزش مسوولانو له لوري غوره ورزشکارانو ته مډالونه ورکړل شول.
