لغمان؛ قرغیو ولسوالۍ کې د ۲۰ لوبډلو ترمنځ د ټېپ بال کرکټ سیالۍ پیل شوې
د لغمان ولایت د بدني روزنې او ورزش امریت اړوند د ټېپ بال کرکټ فدراسیون د استازولي له لوري د یاد ولایت د قرغیو ولسوالۍ په ترنګ سیمه کې د ۲۰ لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د شاهین او دهمزنګ لوبډلو ترمنځ ترسره شوه. دهمزنګ لوبډلې د لوبې پچه وګټله او لومړی یې د توپ وهنې پرېکړه وکړه، چې په ټاکلو اتو اورونو کې یې خپلې سیالې لوبډلې ته د ۱۳۱ منډو هدف وټاکه. شاهین لوبډلې د هدف په تعقیب کې ٧١ مندې وکړې او لوبه یې د ۵۹ منډو په توپیر وبایلله.
دغه سیالۍ د نظام د ملاتړ او د ځوانانو لپاره د سالمې تفرېح د برابرولو په موخه پیل شوي دي، چې ۱۸ ورځې به دوام وکړي.
