غور؛ لعلوسرجنګل ولسوالۍ کې د پنځو لوبډلو ترمنځ د فوټبال سیالۍ ترسره شوې
د غور ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په لعلوسرجنګل ولسوالۍ کې د پنځو لوبډلو ترمنځ د فوټبال سیالۍ ترسره شوې.
د دغو سیالیو په پایلوبه کې ګرمااب لوبډلې په پنالټیو کې خپلې سیالې مرکز خمشور لوبډلې ته د ۴/۳ ګولونو په توپير ماتې ورکړه او اتلولي یې خپله کړه.
د یادو سیالیو موخه د فوټبال لوبو ته وده ورکول او د فوټبال ورزش ته د ځوانانو هڅول و، چې یوه ورځ یې دوام وکړ.
د سیالیو په پای کې د ورزش امریت له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
