غور؛ فیروز کوه ښار کې د ۱۴ لوبډلو ترمنځ د فوټسال اول ګروپ سیالۍ پیل شوې
د غور ولایت د بدني روزنې او ورزش امریت اړوند د فوټبال فدراسیون په استازولۍ د فیروز کوه ښار په مرکزي جمنازیوم کې په درې ګروپونو کې د ۱۴ لوبډلو ترمنځ د فوټسال اول ګروپ سیالۍ پیل شوې.
د دغو سیالیو په لومړۍ لوبه کې اینده سازان لوبډلې خپلې سیالې عقابان لوبډلې ته د ۸/۵ ګولونو په توپیر ماتې ورکړه او بریا یې خپله کړه.
هېره دې نه وي، چې دغه سیالۍ به دوې اوونۍ دوام وکړي او موخه یې له سېلاب ځپلو وګړو سره زړه سوی ښکاره کول او دوی ته د نړیوالو پام اړول دي.
