غور؛ درېوو افغان غره ختونکو د زمبورک غره ۴۰۰۰ متره لوړه څوکه کچ کړه
د دوو ولایتونو (غور او بامیانو) درې تنو غره ختونکو د غور ولایت د بدني روزنې او سپورت ریاست او د دغه ولایت د غره ختنې فدراسیون په ګډې همکارۍ د زمبورک غره (د غور او بامیان ګډه پوله) ۴۲۵۰ متره لوړه څوکه فتحه کړه.
دغو غره ختونکي له دوو ورځو او یوې شپې وروسته دغې څوکې ته ختلي.
د دغې غره ختنې سیالۍ موخه د بامیان او غور ولایتونو د ورزشکارانو او غره ختونکو ترمنځ یووالی او همغږي رامنځته کول ښودل شوي.
دغه راز د غور ولايت د بدني روزنې او سپورت امربت له خوا دغه غره ختونکو ته ستاينليکونه هم ورکړل.
