غزني؛ جاغوري ولسوالۍ کې د ۱۲ لوبډلو ترمنځ په تیږه د نښې ویشتلو سیالۍ پای ته ورسېدې
د غزني ولایت د بدني روزنې او ورزش امریت اړوند د جاغوري ولسوالۍ د سیمه ییزو او دودیزو لوبو مدیریت له لوري د ۱۲ لوبډلو ترمنځ په تیږه د نښې ویشتلو سیالۍ، چې یوه اوونۍ وړاندې پيل شوې وې د انګوري حوتقول باغچه لوبډلې په اتلولۍ پای ته ورسېدې.
د دغو سیالیو په پایلوبه کې د انګوري حوتقول باغچه لوبډلې خپلې سیالې سنګ ماشه ممدک لوبډلې ته د ۷/۴ امتیازونو په توپير ماتې ورکړه او اتلولي یې خپله کړه.
د یادو سیالیو موخه ورزشکارانو ترمنځ یووالی رامنځته کول او سیمه ییزو لوبو ته وده ورکول و.
