سمنگان ولایت کې د ۷۰ تنو کورشکارانو ترمنځ د کورش سیالۍ ترسره شوې
د سمنګان ولایت د بدني روزنې او ورزش امریت اړوند د کورش فدراسیون د استازولۍ له لوري له دره صوف، حضرت سلطان، فیروزنخچیر او د ایبک ښار او ولسوالیو ۷۰ تنو کورشکارانو ترمنځ د یاد ولایت قره ای شباق ورزشي لوبغالي کې د کورش سیالۍ ترسره شوې.
د دغو سیالیو په پایله کې د ایبک ښار کورشکارانو لومړی مقام، دره صوف ولسوالۍ دویم مقام او د فیروزنخچیر ولسوالۍ درېیم مقام ترلاسه کړ.
د یادو سیالیو موخه ورزش ته د ځوانانو هڅول او د دوی ترمنځ سوله او زړه سوی ښودل شوی.
