سمنگان؛ حضرت سلطان ولسوالۍ کې د اتو لوبډلو ترمنځ د فوټبال سیالۍ ترسره شوې
د سمنګان ولایت د بدني روزنې او ورزش امریت اړوند د فوټبال فدراسیون د استازولۍ له لوري د حضرت سلطان ولسوالۍ غزنیګګ کلي په سبز ورزشي لوبغالي کې د اتو لوبډلو ترمنځ د فوټبال سیالۍ د استقلال لوبډلې په اتلولۍ پای ته ورسېدې.
د دغو سیالیو په پای لوبه کې د استقلال لوبډلې خپلې سیالې اسیاباد لوبډلې ته د ۴/۱ ګولونو په توپير ماتې ورکړه او اتلولي یې خپله کړه.
د یادو سیالیو موخه د ځوانانو ترمنځ یووالی رامنځته کول و.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
