زابل؛ ارغنداب ولسوالۍ کې د اتو لوبډلو تر منځ د ټېپ بال کرکټ سيالۍ پيل شوې
د زابل ولايت د بدني روزنې او سپورټ آمريت اړوند د ټېپ بال فدراسيون د استازولۍ له لوري په ارغنداب ولسوالۍ کې د اتو لوبډلو تر منځ د ټېپ بال کرکټ سيالۍ د نرۍ کلي لوبډلې په بريا پيل شوې.
د يادو سياليو لومړۍ لوبه د نرۍ کلي او ولگۍ کلي لوبډلو تر منځ ترسره شوه، چې په پايله کې نرۍ کلي لوبډلې خپلې سیالې لوبډلې ته د ۱۳۷ منډو هدف کېښود، ولگۍ کلي لوبډلې ياد هدف پوره نه کړ او د ۳۰ منډو په توپير يې ماته ومنله.
د يادونې وړ ده، چې دغه سيالۍ به يوه اوونۍ دوام وکړي.
