د کابل ښار د لویانو ورزشکارانو د پهلوانۍ منتخبې لوبډلې ۸۰ ورزشکاران وستایل شول
د المپيک، بدني روزنې او ورزش عمومي ریاست په همکارۍ د پهلوانۍ ملي فدراسیون له لوري د کابل ښار د لویانو ورزشکارانو د پهلوانۍ منتخبې لوبډلې ۸۰ ورزشکاران په معنوي او مادي ډالیو وستایل شول.
د ستاینغونډې په دغو مراسمو کې د المپیک، بدني روزنې او ورزش فني او مسلکي مرستیال حافظ احمد جان ځدارڼ، د ورزش ادارې ورزشي مشاور او د پهلوانۍ ملي فدراسیون رئیس قاري حیات الله رحماني، د المپيکي چارو رئیس داد محمد پاینده اختري، د کابل ولایت د بدني روزنې او ورزش رئیس مولوي عتیق الله خالد، د پلان او ستراتېژۍ مشاور ګلاب الدین خپلواک او د منتخبې لوبډلې ورزشکارانو ګډون کړی وو.
د یادونې وړ ده، چې د کابل ښار د لویانو ورزشکارانو د پهلوانۍ ټاکنیزې سیالۍ، چې څو ورځې مخکې د کابل ښار د پنځو زونونو د ۱۷۰۰ پهلوانانو ترمنځ ترسره شوې، چې په پایله کې ۸۰ غوره پهلوانان د کابل ښار د لویانو ورزشکارانو د پهلوانۍ منتخبې لوبډلې ته ټاکل شوي وو.
