د موی تای فدراسیون لوبغاړي نیمروز ته ولاړل.

دوشنبه ۲۸ لیندۍ ۱۴۰۰

سمیر هیبت

ټاکل شوې چې نیمروز د روانې مرغومی میاشتې په دوهمه او دریمه نیټه به د نړیوالو سیالیو کوربه وي چې د ایران او پاکستان ورزشکاران به هم په کې برخه واخلي.

دغه سيالۍ به په درې کلنۍ کټګوريو کې ترسره شي( ځوانان، تنکي ځوانان او لويان) چې په کې به له ايران څخه ٦ تنه او له پاکستان څخه ٢٨ تنه لوبغاړي ګډون وکړي.

د موی تای فدراسیون د مسوولینو په وینا، دغه سیالۍ به د موی تای ملي فدراسیون په مالي لګښت د دوو ورځو لپاره په نیمروز ولایت کې د مسلکي او اماتور په کچه ترسره شي.

دغه لوبې به د موی تای کاران د یوالي کپ تر نامه لاندې ترسره شي، چې په کې به د ملي لوبډلې ۷ غړي او له ۱۰۰ څخه زیات نور موی تای کاران سیالي وکړي.

..