د افغانستان د وزن پورته کولو فدراسیون په استازولۍ فضل کریم ترکمن د وزن پورته کولو په شپږم پړاو نړیوالو سیالیو کې درې د برونزو مډالونه او درېیم مقام خپل کړ
د افغانستان د وزن پورته کولو فدراسیون لوبغاړي فضل کریم ترکمن د وزن پورته کولو په شپږم پړاو فجر کپ په نړیوالو سیالیو کې، چې د روان میلادي کال د نوامبر د ۲۶ نېټې څخه تر نوامبر ۲۹ نېټې پورې ترسره شوې، وکولای شول په ۱۱۰ کیلو ګرام وزني کټګورۍ او په مجموع کې ۳۰۵ کیلو ګرام کې درې د برونزو مډالونه او درېیم مقام خپل کړ.
په دغو سیالیو کې د افغانستان په استازیتوب درې ورزشکارانو او یو روزونکي څلور کسیزې لوبډلې ګډون کړی و، چې افغان ورزشکارانو په یک ضرب او دو ضرب کې لوبې ترسره کړې، چې په پایله کې فضل ترکمن خپلو سیالانو ته په ماتې ورکولو سره د افغانستان لپاره درې د برونزو مډالونه او درېیم مقام خپل کړ.
د یادونې وړ ده، چې د وزن پورته کولو فجر کپ شپږم پړاو نړیوالې سیالۍ د ایران په کوربتوب تهران ښار کې د ازبکستان، تاجکستان، افغانستان، ترکمنستان، سعودي عربستان، عراق، سرېلانکا، بنګلادېش، یمن او ایران هېوادونو ترمنځ د روان میلادي کال د نوامبر میاشتې د ۲۶ نېټې څخه تر ۲۹ نېټې پورې ترسره شوې.
