دایکندي؛ میرامور ولسوالۍ کې د ۳۰ ورزشکارانو ترمنځ د لاس چپه کولو سیالۍ ترسره شوې
د دایکندي ولایت د بدني روزنې او ورزش امریت له لوري په میرامور ولسوالۍ کې د یووالي په نوم د ۳۰ ورزشکارانو ترمنځ د لاس چپه کولو سیالۍ ترسره شوې.
دغو سیالیو چې یوه ورځ یې دوام وکړ په پایله کې د ۳۰ ورزشکارانو له ډلې رجب لومړی مقام، نعمت الله دویم مقام او خلیل الله درېیم مقام ترلاسه کړ.
د یادو سیالیو موخه سیمه ییزو لوبو ته وده ورکول، د خلکو او ورزشکارانو ته یوه سالمه تفریح برابرول او له نشه یي توکو د ځوانانو لرېوالی و.
