دایکندي؛ اشترلي ولسوالۍ کې د ۴۰ ورزشکارانو ترمنځ د تیږې اچونې سیالۍ ترسره شوې
د دایکندي ولایت د بدني روزنې او ورزش امریت اړوند د ملي او دودیزو لوبو فدراسیون د استازولۍ له لوري د یاد ولایت په اشترلي ولسوالۍ کې د ۴۰ ورزشکارانو ترمنځ د تیږې اچونې سیالۍ ترسره شوې.
د دغو سیالیو په پایله کې علي خان فهیم لومړی، امان رحیمي دویم او رضا نظري درېیم مقام ترلاسه کړ.
هېره دې نه وي دغو سیالیو یوه ورځ دوام وکړ او موخه یې ملي او دودیزو لوبو ته وده ورکول و.
د سیالیو په پای کې د دایکندي ولایت ورزشي امریت له لوري غوره ورزشکارانو ته چمتو شوې ډالۍ ورکړل شوې.
