دایکندي؛ اشترلي ولسوالۍ کې د ۳۰ ورزشکارانو ترمنځ د لاس چپه کولو سیالۍ پای ته ورسېدې
د دایکندي ولایت د بدني روزنې او ورزش امریت اړوند د ملي او دودیزو لوبو مدیریت له لوري د یاد ولایت اشترلي ولسوالۍ په نوجک سیمه کې د ۳۰ ورزشکارانو ترمنځ د یووالي په نوم د لاس چپه کولو سیالۍ ترسره شوې.
دغو سیالیو، چې یوه ورځ یې دوام وکړ، په پایله کې میثم توحیدي لومړی مقام، اکبر حکیمي دویم مقام او غفار درېیم مقام ترلاسه کړ.
د یادو سیالیو موخه سیمه ییزو لوبو ته وده ورکول، د ځوانانو لپاره یوه سالمه تفریح برابرول او له نشه یي توکو د ځوانانو ليرې والی و.
