دایکندي؛ اشترلي ولسوالۍ کې د ۲۲ ورزشکارانو ترمنځ د ځغاستې سیالۍ وشوې
د دایکندي ولایت د بدني روزنې او ورزش امریت اړوند د اتلتیک ملي فدراسیون د استازولۍ له لوري د یاد ولایت د اشترلي ولسوالۍ په بغل کنډو سیمه کې د ۲۲ ورزشکارانو ترمنځ د ځغاستې سیالۍ وشوې، چې یوه ورځ یې دوام وکړ.
د دغو سیالیو په پایله کې خانعلي نظري لومړی، حنیف نظري دویم او مصطفی هاشمي بیا درېیم مقام خپل کړ.
د یادو سیالیو موخه د ځغاستې ورزش دودول او خلکو ته سالمه تفرېح برابرول و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
