جوزجان؛ خواجه دوکوه ولسوالۍ کې د اتو لوبډلو ترمنځ د فوټسال سیالۍ پای ته ورسېدې
د جوزجان ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت خواجه دوکوه ولسوالۍ کې د اتو لوبډلو ترمنځ د فوټبال سیالۍ د خراسان ځوانانو لوبډلې په اتلولۍ پای ته ورسېدې.
د دغو سیالیو په پایلوبه کې د خراسان ځوانانو لوبډلې خپلې سیالې زراعت ځوانانو لوبډلې ته د ۲/۱ امتیازونو په توپير ماتې ورکړه او اتلولي یې خپله کړه.
د یادو سیالیو موخه د جوزجان ولایت ولسوالیو کې د فوټسال ورزش ته وده ورکول و.
د سیالیو په پای کې غوره ورزشکارانو ته کپ، مډالونه او ستاینلیکونه ورکړل شوه.
