تخار؛ مرکز کې د ۱۰۰ چاپ اندازانو ترمنځ د وزلوبې دویم پړاو سیالۍ پای ته ورسېدې
د تخار ولایت د بدني روزنې او ورزش آمریت له لوري په مرکز تالقان ښار کې له مختلفو ولسوالیو څخه د ۱۰۰ چاپ اندازانو ترمنځ د وزلوبې دویم پړاو سیالۍ چې درې ورځې مخکې پیل شوې وې، پای ته ورسېدې.
له دغو سیالیو څخه جلیل، صبغت الله، شمس الله، عبدالرشید، اسماعیل، شبیر او دادالله د غوره پهلوانانو په توګه وټاکل شول.
د یادو سیالیو موخه د پسرلي موسم ته ښه راغلاست، د سیمه ییزو لوبو وده او د غوره څېرو موندل ښودل شوي و، چې په پایله کې د سیالیو د مسؤولانو له لوري غوره پهلوانانو ته ډالۍ هم ورکړل شوې.
