تخار؛ مرکز تالقان ښار کې د ۵۰ چاپندازانو ترمنځ د وزلوبې سیالۍ پای ته ورسېدې
د تخار ولایت د بدني روزنې او ورزش امریت اړوند د وزلوبې، نېزه وهنې او ملي او سیمهییزو لوبو فدراسیون د استازولۍ له لوري د یاد ولایت په مرکز تالقان ښار کې د ۵۰ چاپندازانو ترمنځ د وزلوبې سیالۍ پای ته ورسېدې.
د دغو سیالیو په پایله کې عبدالرشید پهلوان، اسماعیل پهلوان او زکریا پهلوان تر نورو ښه وځلېدل او د ډالیو ګټونکي شول.
د یادو سیالیو موخه د وزلوبې ورزش ته وده ورکول او د چاپندازانو ترمنځ یووالی رامنځته کول و، چې دوې ورځې یې دوام وکړ.
