بغلان کې د ۱۱ لوبډلو ترمنځ د فوټبال غوره لیګ سیالۍ د شاهین لوبډلې په اتلولۍ پای ته ورسېدې
د بغلان ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت مرکز په ورزشي سټېډیوم کې د ۱۱ لوبډلو ترمنځ د فوټبال غوره لیګ سیالۍ د شاهین لوبډلې په اتلولۍ پای ته ورسېدې.
دغه سیالۍ، چې د لیګ په ډول وې د شاهین لوبډلې د ۱۱ امتیازونو په توپير لومړی مقام ترلاسه کړ.
دغو سیالیو کې ګلزن میرویس غفوري زیاتو ګولونو وهونکی، رامین خاص غوره لوبغاړی او عبدالرحیمزی غوره ګول ساتونکی وپېژندل شو.
د یادو سیالیو موخه د غوره لوبغاړو پېژندل و.
د سیالیو په پای کې بغلان ولایت ورزشي امریت له لوري غوره لوبډلې د اتلولۍ جام او غوره لوبغاړو ته ډول ډول ورزشي ډالۍ ورکړل شوې.
