بدخشان؛ مرکز فیض اباد ښار کې د څلورو ولایتونو ترمنځ د ویلچر بسکټبال سیالۍ پای ته ورسېدې
د پارا المپیک ملي کمېټې له لوري او د بدخشان ولایت د بدني روزنې او ورزش امریت له لوري د یاد ولایت مرکز فیض اباد ښار په سره صلیب جمنازیوم کې د څلورو ولایتونو ترمنځ د ویلچر بسکټبال سیالۍ پای ته ورسېدې.
په دغو سیالیو کې د بامیان، بلخ، فاریاب او د بدخشان ولایتونو ورزشکارانو ګډون کړی وو، چې په پایله کې د بلخ ولایت ورزشکارانو د ۶۰ امتیازونو په ترلاسه کولو لومړی، بدخشان ویلچر لوبډلې د ۵۳ امتیازونو په ترلاسه کولو دویم مقام ترلاسه کړ.
د یادو سیالیو موخه د غوره لوبغاړو موندل و، چې درې ورځې یې دوام وکړ.
د سیالیو په پای کې د بدخشان ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
