هلمند؛ ناوې ولسوالۍ کې د ۱۵ لوبډلو ترمنځ د فوټبال رمضان جام سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت ناوې ولسوالۍ کې د ۱۵ لوبډلو ترمنځ د فوټبال رمضان جام سیالۍ د نوي ځوانانو لوبډلې په اتلولي پای ته ورسېدې.
د یادو سیالیو پایلوبه د نوي ځوانانو او شنې ناوې لوبډلو ترمنځ ترسره شوه، چې په پایله کې یې نوي ځوانانو لوبډلې د یو پر صفر ګول په توپیر خپلې سیالې شنې ناوې لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې درې اوونۍ یې دوام وکړ.
