لغمان؛ علیشنګ ولسوالۍ کې د ۳۳ لوبډلو ترمنځ د والیبال سیالۍ پیل شوې
د لغمان ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت په علیشنګ ولسوالۍ کې د ۳۳ لوبډلو ترمنځ د والیبال اختریزې سیالۍ پیل شوې.
د یادو سیالیو لومړۍ لوبه کې غازي اباد لوبډلې د ۲ پر صفر میدانونو په توپیر خپلې سیالې قلعه خان لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ د کوچني اختر د نمانځلو په مناسبت پیل شوې دي، چې ۱۵ ورځې به دوام وکړي.
