زابل؛ په قلات ښار کې د ۵۰ ورزشکارانو ترمنځ د کيک بوکسينگ سيالۍ پای ته ورسېدې
د زابل ولايت د بدني روزنې او ورزش امريت اړوند د کيک بوکسينگ فدراسيون د استازولۍ له لوري د ياد ولايت په مرکز قلات ښار کې د درېيو ولايتونو د ۵۰ ورزشکارانو ترمنځ د کيک بوکسينگ سيالۍ پای ته ورسېدې.
په يادو سياليو کې له کندهار، هلمند او کوربه زابل ولايتونو څخه ورزشکارانو د نويو ځوانانو، ځوانانو او مشرانو په عمري کټگوريو کې گډون کړی وو، چې په پايله کې يې د زابل ولايت ورزشکارانو لومړی مقام خپل کړ.
د يادولو وړ ده، چې د دغو سياليو موخه د کيک بوکسينگ ورزش ته وده ورکول او د ورزشکارانو ترمنځ يووالی وو، چې دوې ورځې يې دوام وکړ.
