کابل کې د ملي لوبډلې ۱۸ ورزشکارانو ترمنځ د ووشو دوستانه سیالۍ پيل شوې
د المپيک، بدني روزنې او ورزش عمومي ریاست اړوند د ووشو ملي فدراسیون د استازولۍ له لوري د یاد فدراسیون په ورزشي جمنازیوم کې د ملي لوبډلو د نویو ځوانانو او ځوانانو د ۱۸ لوبغاړو ترمنځ د ووشو دوستانه سیالۍ پيل شوې، چې یوه ورځ به دوام وکړي.
دغه سیالۍ د چين بیجینګ ښار کې د ووشو اسیایي سیالیو ته د غوره لوبغاړو د موندنې په موخه ترسره کېږي، چې له مخې به درې لوبغاړي یادو سیالیو ته د هېواد په استازولۍ غوره شي.
د نویو ځوانانو او ځوانانو لسم پړاو اسیایي سیالۍ به دوې میاشتې وروسته د اسیایي هېوادونو لوبغاړو ترمنځ په تالو او ساندا سبکونو کې د چین په کوربتوب بیجینګ ښار کې ترسره شي.
