پکتيا؛ په گردېز ښار کې د ۱۴ لوبډلو ترمنځ د فوټبال سيالۍ پای ته ورسېدې
د پکتيا ولايت د بدني روزنې او سپورټ رياست له لوري د مرکز گردېز ښار په محمود کلا سيمه کې د ۱۴ لوبډلو ترمنځ ورزش ته د ودې ورکولو او پرمختگ په موخه د فوټبال سيالۍ د عيسی خېلو ب لوبډلې په اتلولۍ پای ته ورسېدې.
د يادو سياليو په پايلوبه کې عيسی خېلو ب لوبډلې سيالې عيسی خېلو الف لوبډلې ته ۰/۲ گولونو په توپير ماتې ورکړه او اتلولي يې خپله کړه.
دغه سیالۍ چې شاوخوا ۲۱ ورځې يې دوام وکړ، په پای کې د ياد ولايت د ورزش رياست له لوري اتلې لوبډلې ته د اتلولۍ جام او ورزشکارانو ته ورزشي وسايل ورکړل شول.
