په بامیان کې د والیبال سیالۍ پای ته ورسیدې
د باميانو ولايت د ورزشي مسوولينو په وینا ، د واليبال دغه سيالۍ د دې ولايت د څلورو ولسواليو د لوبغاړو په ګډون پيل شوې او د روانې وری مياشتې په درېيمه نېټه پاى ته ورسېدې.
د دغو سیالیو په پای کې د کهمرد ولسوالۍ لوبډلې لومړی مقام خپل کړ او د سیغان او مرکز بامیانو لوبډلې په ترتیب سره دویم او دریم مقامونه خپل کړل.
د يادونې وړ ده چې د باميانو ولايت د سيغان ولسوالۍ د دغو لوبو کوربه توب درلود.
