هلمند؛ ګرمسېر ولسوالۍ کې د ١٦ لوبډلو ترمنځ د فوټسال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولي له لوري د ياد ولايت په ګرمسېر ولسوالۍ کې د ١٦ لوبډلو ترمنځ د فوټسال سیالۍ د مرکزي لېسې لوبډلې په اتلولي پای ته ورسېدې.
د یادو سیالیو پایلوبه د مرکزي لېسې او شه.ید اجمل لوبډلو ترمنځ ترسره شوه، چې په پایله کې یې مرکزي لېسې لوبډلې د ١٦/١ ګول په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو په موخه ترسره شوې چې یوه میاشت يې دوام وکړ.
