هلمند؛ په ګرمسیر ولسوالۍ کې ۳۲ لوبډلو ترمنځ د رمضان جام په نوم د فوټبال شپنۍ سيالۍ پيل شوې
د هلمند ولایت د بدني روزنې او ورزش امريت اړوند د فوټبال ملي فدراسيون د استازولۍ له لوري د ياد ولايت د ګرمسير ولسوالۍ په افغان ورزشي لوبغالي کې د ۳۲ لوبډلو ترمنځ د رمضان جام په نوم د فوټبال ګروپي شپنۍ سيالۍ د حبيبي لوبډلې په بريا سره پيل شوې.
د دغو سياليو په لومړۍ لوبه کې حبيبي لوبډلې خپلې سیالې لغمان شاهي لوبډلې ته د ۵/۲ ګولونو په توپير سره ماتې ورکړه او بريايې وګټله.
د يادو سياليو موخه د ځوانانو ترمنځ د يووالي رامنځته کول دي، چې د روژې مياشتې تر ۲۸ پوري به دوام وکړي.
