ننگرهار؛ په خوږياڼو ولسوالۍ کې د ۱۲۰ تنو ورزشکارانو ترمنځ د غر ختنې سيالۍ ترسره شوې
د ننگرهار ولايت د بدني روزنې او ورزش رياست په همکارۍ د ياد ولايت په خوږياڼو ولسوالۍ کې د ۱۲۰ تنو ورزشکارانو ترمنځ د يادې لوبې د دودولو په موخه د غرختنې سيالۍ ترسره شوې.
په ياده غر ختنه کې له مرکز او ولسوالیو څخه ۱۲۰ ورزشکارانو برخه اخيستې وه او د وزيرو تنگي غر لوړه څوکه، چې ۴۰۲ متره لوړوالی لري په ۱۵ دقيقو کې طی کړه، چې په پايله کې فريد الله لومړی، محمد عثمان دويم او محمد بيا درېيم مقام خپل کړ.
د يادولو وړ ده، چې دغې غر ختنې يوه ورځ دوام وکړ او په پای کې غوره ورزشکارانو ته کپونه د انعام په توگه ورکړل شول.
