ننګرهار کې د الفتح په نوم د والیبال سیالیو پایلوبه مساوي پای ته ورسېده خو کپ د کابل فرهاد شریفي لوبډلې ته ورکړل شو
په ننګرهار که د والیبال دا سیالۍ د الفتح په نوم د ورزشکارانو یووالي او ولایاتو ترمنځ د همغږۍ په موخه په سراج العمارت بڼ کې پیل شوې وې.
د یاد سیالیو پایلوبې ته د «کابل فرهاد شریفې او قاري یاسر» لوبډلو لار ومونده چې له معلومو دوه میدانونو یو میدان قاري یاسر او یو میدان کابل فرهاد شریفي لوبډلې په خپل نوم کړ چې دې سره د دواړو لوبډلو د ۱-۱ میدانونو په ګټلو پایلوبه مساوي پای ته ورسېده.
خود قاري یاسر والیبال لوبډله چې کوربنه وه نو په همدې اساس لومړی غټ کپ کابل فرهاد شریفي لوبډلې ته او دویم کپ قاري محمد یاسر او دریم کپ دره نور لوبډلې ته ورکړل شول.
دا سیالۍ د ننګرهار د بدني روزنې او ورزش ریاست او والیبال فدراسیون په همغږۍ د ملي ام-نیت اداري معاون قاري یاسر په مالي لګښت د ننګرهار په کوربتوب نه ولایتونو « مزارشریف، خوست، لوګر، میدان وردګ، کابل، کونړ، لغمان، او کاپیسا» ۲۸ والیبال لوبډلو په ګډون پیل شوې و.
یادو سیالیو پایلوبه کې د بدني روزنې او ورزش ریس عبدالسلام وزیروال، ملي ام.نیت اداري معاون قاري یاسر، د والیبال فدراسیون استازی ډاکټر منیر، مومندرې ولسوال قاري ساجد، قاري بدرالدین، د یو شمیر فدراسیونونو مشرانو او ګڼ شمېر مینوالو ګډون کړی وو.
د پای په مراسمو کې ګټوونکو لوبډلو ته کپونه، غوره لوبغاړو ته مډالونه او د ملي ام.نیت معاون قاري یاسر، مومندرې ولسوال قاري ساجد او د والیبال فدراسیون مشر ډاکټر منیر ته ستاینلیکونه ورکړل شول.
