لوگر کې د ۱۶۰ ورزشکارانو ترمنځ د رزمي لوبو سیلف ډفينس سبک سيالۍ وشوې
د لوگر ولايت د بدني روزنې او ورزش آمريت اړوند د رزمي لوبو فدراسيون د استازولۍ له لوري د مرکز پل علم ښار په دولتي جمنازيوم کې د سویل ختیځ زون په کچه د ۱۶۰ ورزشکارانو ترمنځ د رزمي لوبو سیلف ډفينس سبک سيالۍ وشوې.
په يادو سياليو کې له پکتيا، خوشت، غزني، پکتيکا او لوگر ولايتونو څخه ورزشکارانو گډون کړی وو، چې په پايله کې لوگر لومړی، خوست دويم او پکتيا بيا درېيم مقام ترلاسه کړ.
د ويلو وړ ده، چې دغو سیالیو يوه ورځ دوام وکړ او په پای کې غوره ورزشکارانو ته مډالونه، کمربندونه او ستاينليکونه ورکړل شول.
