هرات کې د ۱۵۰ پهلوانانو ترمنځ د پهلوانۍ دوستانه سیالۍ ترسره شوې
د هرات ولایت د بدني روزنې او ورزش امریت اړوند د پهلوانۍ ملي فدراسیون د استازولۍ له لوري د یاد ولایت په معلم صاحب عبدالغني ورزشي لوبغالي کې له ۴۲ کلبونو د ۱۵۰ پهلوانانو ترمنځ د پهلوانۍ دوستانه سیالۍ ترسره شوې.
د دغو سیالیو په پایله کې صفي الله، عصت الله، میهن، امام الدین او عزت الله خپلو سیالانو ته په ماتې ورکولو سره د اتلولۍ مقامونه خپل کړل.
دغه دوستانه سیالۍ هره اونۍ د ځوانانو او نویو ځوانانو ورزشکارانو ترمنځ د معلم صاحب عبدالغني په ورزشي لوبغالي کې د پهلوانۍ ورزش ته د ودې ورکولو په موخه ترسره کېږي.
