لغمان؛ په الينگار ولسوالۍ کې د ۱۸ لوبډلو ترمنځ د واليبال سيالۍ پای ته ورسېدې
د لغمان ولايت د بدني روزنې او ورزش امريت اړوند د واليبال فدراسيون د استازولۍ له لوري د دې ولايت په الينگار ولسوالۍ کې د ۱۸ لوبډلو ترمنځ د ااا نظام څخه د ملاتړ په موخه د واليبال سيالۍ د رهين لوبډلې په اتلولۍ پای ته ورسېدې.
د يادو سياليو په پايلوبه کې رهين لوبډلې سيالې قلعه نجيل لوبډلې ته ۱/۳ ميدان په توپير ماتې ورکړه او اتلولي يې خپله کړه.
دغه سیالۍ چې ۲۱ ورځې يې دوام وکړ، په پای کې د ياد ولايت د ورزش امريت له لوري لومړي او دويم مقام گټونکو لوبډلو ته کپونه، مډالونه او ستاينليکونه ورکړل شول.
