سمنگان؛ حضرت سلطان ولسوالۍ کې د ۱۵ لوبډلو ترمنځ د والیبال سیالۍ وشوې
د سمنګان ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په حضرت سلطان ولسوالۍ کې د ۱۵ لوبډلو ترمنځ د والیبال سیالۍ وشوې.
د دغو سیالیو په پایلوبه کې فیضي لوبډلې خپلې سیالې برېښنا لوبډلې ته د ۳/۲ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال لوبو ته وده ورکول او د ځوانانو ترمنځ یووالی رامنځته کول و، چې یوه ورځ یې دوام وکړ.
د سیالیو په پای کې غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
