زابل؛ په شاه جوی ولسوالۍ کې د څلورو ښوونځيو ترمنځ د واليبال سيالۍ وشوې
د المپيک بدني روزنې او ورزش عمومي رياست اړوند په مدرسو، ښونځيو او پوهنتونونو کې د ورزش د ودې رياست له لوري د زابل ولايت د ورزش امریت په همکارۍ په شاه جوی ولسوالۍ کې د څلورو لوبډلو ترمنځ د واليبال سيالۍ پيل شوې.
دغه سيالۍ د بابا هوتک، شاجوی زراعت ، هولان رباط او سور غر عالي لېسو لوبډلو ترمنځ وشوې، چې په پايله کې هولان رباط لوبډلې خپلې سیالې شاه جوی زراعت لېسې لوبډلې ته ماتې ورکړه او د دغو سياليو اتلولي يې خپله کړه.
د يادونې وړ ده چې د دغو سياليو موخه په مکاتبو کې ورزش ته وده ورکول ياد شوي او د پای په مراسمو کې په مدرسو، ښونځيو او پوهنتونونو کې د ورزش د ودې رئيس نقيب الله الفت هم ګډون کړی و.
