زابل؛ شينکۍ ولسوالۍ کې د ۶۰ پهلوانانو ترمنځ د سيمه ييزې غېږ نيونې سيالۍ وشوې
د زابل ولايت د بدني روزنې او ورزش آمريت اړوند د ملي او دوديزو لوبو مدیریت له لوري ياد ولايت په شينکۍ ولسوالۍ کې د ۶۰ پهلوانانو ترمنځ د غېږ نيونې سيمه ييزې سيالۍ وشوې.
دغه سيالۍ، چې د لوړې شينکۍ او ښکتې شينکۍ غېږ نيونکو ترمنځ وشوې، په پايله کې د ښکتې شينکۍ غېږ نيونکو په بريا پای ته ورسېدې.
د يادو سياليو موخه ملي او دوديزو لوبو ته وده ورکول و، چې يوه ورځ يې دوام وکړ.
