دایکندی؛ جوانان رشکه لوبډلې د شهرستان ولسوالۍ د بادام ګل والیبال جام سیالیو اتلولي وګټله
د دایکندي ولایت په شهرستان ولسوالۍ کې د بادام ګل جام والیبال سیالۍ چې د بدني روزنې او سپورت امریت او والیبال فدراسیون په همکارۍ، د نهو لوبډلو ترمنځ پیل شوې وې، د جوانان رشکه لوبډلې په اتلولۍ پای ته ورسیدې.
یادې سیالۍ د والیبال د ودې، د میرامور او شهرستان ولسوالیو د یووالي په موخه ترسره شوې.
د سیالیو پایلوبه د جوان رشکه او تمدن غاف لوبډلو ترمنځ وه، چې جوانان رشکه لوبډلې د ۳-۲ میدانونو په توپیر وګټله.
په پای کې محمد حسین فرزام د غوره لوبغاړي، ډاکتر عزیز عزیزي د غوره شوټ وهونکي او امین د غوره سنټر په توګه وپېژندل شول.
د مسؤولینو له لوري غوره لوبډلو او پیاوړو لوبغاړو ته ډالۍ او ستاینلیکونه ورکړل شول.
