د افغانستان له شل کلنو کم عمره فوټبال لوبډلې دویمه لوبه هم وبایلله
د مرکزي آسیا له شل کلنو کم عمره فوټبال سیالیو په لړ کې افغانستان خپله دویمه لوبه تاجکستان ته وبایلله.
په دغې سیالۍ کې تاجیکستان افغانستان ته د یو پر صفر ګول په توپیر ماتې ورکړه او افغانستان دوه پرلپسې ماتې وخوړې.
د یادونې وړ ده چې افغان لوبډلې په خپله لومړۍ لوبه کې د ٤ پر صفر ګولونو په توپیر له قرغیزستان هېواد څخه ماتې خوړلې وه.
له شل کلنو د کم عمره لوبغاړو د مرکزي آسیا فوټبال (کافا) سیالۍ د روانې جولای میاشتې په ۵مه نېټه د قرغیزستان هېواد په کوربه توب د یاد هېواد په جلال آباد ښار کې د شپږو هېوادونو په ګډون پیل شوې دي چې د همدې میاشتې په ١٢مه نېټه به پای ته ورسیږي.
