ننګرهار؛ د دوو لوبډلو ترمنځ د ټېپ بال کرکټ سیالۍ د خوږیاڼو منتخبې لوبډلې په اتلولۍ پای ته ورسېدې
د ننګرهار ولایت د بدني روزنې او ورزش ریاست او د لغمان ولایت د بدني روزنې او ورزش امریت اړوند د ټېپ بال کرکټ فدراسیونونو د استازولۍ له لوري د خوږیاڼو ولسوالۍکرکټ منتخبې او قرغه یو ولسوالۍ د کرکټ لوبډلو ترمنځ د ټېپ بال کرکټ د درې لوبو لړۍ د خوږیاڼو منتخبې لوبډلې په اتلولۍ پای ته ورسېدې.
د دغو سیالیو په پایلوبه کې قرغه یو ولسوالۍ لوبډلې په ټاکلو لس اورونو کې د شپږو لوبغاړو دلاسه ورکولو سره د ۱۳۵ منډو هدف وټاکه، چې په مقابل کې د خوږیاڼو منتخبې لوبډلې یاد هدف د لوبې په نهم اور کې د څلورو لوبغاړو له لاسه ورکول وروسته پوره او بریا یې خپله کړه، چې په دغه لوبې ګټلو سره د خوږیاڼو منتخبې لوبډلې د یادې لوبلړۍ د ۲/۱ بریاوو په توپیر سیالې لوبډلې ته ماتې ورکړه او اتلولي یې خپله کړه.
د سیالیو په پای کې غوره لوبډلې ته کپ او غوره لوبغاړو ته چمتو شوې ډالۍ ورکړل شوې.
