میدان وردګ؛ په سيد اباد ولسوالۍ کې د ۵۰ لوبډلو ترمنځ د واليبال اختريزې سيالۍ پيل شوې
د میدان وردګ ولایت د بدني روزنې او ورزش آمریت اړوند د سيد اباد ولسوالۍ ورزشي کمېټې په لارښونه او همغږۍ د يادې ولسوالۍ په تنګي دره کې د ۵۰ لوبډلو ترمنځ د اختریز جام په نوم د والیبال اختريزې سيالۍ پيل شوې.
د یادو سیالیو د پیل لوبه د شهيد هدايت الله ذوالفقار او حسن خېلو لوبډلو تر منځ ترسره شوه، چې په پايله کې شهيد هدايت الله ذوالفقار لوبډلې د ۲-۰ میدانونو په توپير بريا خپله کړه.
هېره دې نه وي، چې په دغو سياليو کې د ميدان وردګ ولايت پر لوبډلو سربېره د کابل، لوګر او هلمند ولايتونو لوبډلو هم ګډون کړی دی.
